جبروت
دنيانا ملانا جبروت
كلنا آخرتنا الموت
دنيانا ملانة ديابة
كأنها أسوأ غابة
الحق عمره قصير
بقى أمر الناس بيحير
الأخ بيقتل أخوه
بريئ بعذاب نفخوه
أخلاق الناس تالفانة
الأكل حرام وعفانة
البنت وعملت راجل
الشرف حطوه بمراجل
لابسالنا لبس مقطع
مكياج بالوجه مبطع
الشباب بيحدد حاجبه
مبقاش حدش عاجبه
شعره على ضهره ضفيرة
للخلاعة والكدب خميرة
جاهل ومعاه ملايين
علماء بالدين عايشين
يارب إفرجها علينا
مبقيناش شايلين رجلينا
عصام الباز
ليست هناك تعليقات:
إرسال تعليق